Bysol abviaściŭ terminovy zbor hrošaj dla błohiera Alaksandra Kabanava
Kiraŭnik fondu BYSOL Andrej Stryžak u fejsbuku paviedamiŭ pra zbor srodkaŭ dla byłoha palitviaźnia, błohiera Alaksandra Kabanava.
Kabanaŭ paśla evakuacyi, Vilnia
Na minułym tydni BYSOL paśpiachova evakuiravaŭ Kabanava ź Biełarusi. Ciapier Alaksandr u biaśpiecy, uładkoŭvajecca ŭ krainie ES.
Novaje miesca patrabuje vydatkaŭ, u jakich my možam dapamahčy byłomu palitviaźniu.
Zatrymali Kabanava 17 červienia 2020 hoda, padčas vybarčaj kampanii. Jon byŭ pres-sakratarom inicyjatyŭnaj hrupy Śviatłany Cichanoŭskaj. Spačatku jamu dali 15 sutak, a paśla tak i nie vypuścili.
14 krasavika 2021 hoda jon razam sa svaim kaleham Siarhiejem Piatruchinym byŭ asudžany na 3 hady pazbaŭleńnia voli, abvinavačvaŭsia ŭ «arhanizacyi i padrychtoŭcy dziejańniaŭ, jakija hruba parušajuć hramadski paradak, abrazie pradstaŭnika ŭłady».
Alaksandr Kabanaŭ vyjšaŭ z kałonii na volu ŭ śniežni minułaha hoda.
Padtrymać jaho možna pa spasyłcy.
