Za machlarstva i chabarnictva sudziać salihorskaha śledčaha
U sudzie Minskaha rajona razhladajecca sprava salihorskaha śledčaha Alaksandra Šelepienia. Ale jana nie padobnaja da palityčnaj: Šelepienia abvinavačvajuć u atrymańni chabaru, machlarstvie i biaździejnaści. Stanam na 2021 hod jon byŭ namieśnikam načalnika ŭpraŭleńnia ŭ Salihorskim RASK.
Sudzić Šelepienia Anton Kołabaŭ — udarnik u vyniasieńni palityčnych prysudaŭ.
Sutnaść spravy, pa jakoj abvinavačvajecca Šelepień, nam nieviadomaja.
U 2021-m, kali zakony ŭ Biełarusi ŭžo pierastali pracavać, a ludziej chapali i sadzili biespadstaŭna, Šelepień braŭ udzieł u kruhłym stale z zamiežnymi kalehami na temu «Arhanizacyja pracesualnaha kiraŭnictva i kantrolu za ažyćciaŭleńniem zatrymańnia, prymianieńnia mier strymańnia».
Padčas jaho ŭdzielniki dali vysokuju acenku standartam raboty ŭ hetym kirunku ŭ Biełarusi.
«Naša Niva» — bastyjon biełaruščyny
PADTRYMAĆ
