Dva hady «chimii» za abrazu Łukašenki vynies sud u Vaŭkavysku na vyjaznym pasiadžeńni
Sud Vaŭkavyskaha rajona na vyjaznym sudovym pasiadžeńni na bazie filijała «Vaŭkavyskija elektryčnyja sietki» 23 studzienia vynies prysud rabotniku pradpryjemstva Alaksieju Jaraševiču, abvinavaciŭšy jaho ŭ abrazie Łukašenki (č. 1 art. 368 Kryminalnaha kodeksa).
Spravu razhladaŭ sudździa Mikałaj Siarhiejka.
Pa materyjałach abvinavačańnia Alaksiej Jaraševič jašče ŭ krasaviku 2021 hoda ŭ «Adnakłaśnikach» raźmiaściŭ vyjavu Alaksandra Łukašenki i supravadziŭ jaje nieprystojnym tekstavym paviedamleńniem.
Svaju vinu mužčyna pryznaŭ u poŭnym abjomie i raskajaŭsia.
Sud Vaŭkavyskaha rajona pryznaŭ jaho vinavatym i pryznačyŭ pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu na dva hady (h. zn. «chimija»).
Mabilny telefon abvinavačanaha jak srodak ździajśnieńnia złačynstva kanfiskavany ŭ dachod dziaržavy.
