Siarhieja Cichanoŭskaha znoŭ pačnuć sudzić 14 lutaha
Suprać Cichanoŭskaha zaviali novuju spravu pavodle č. 2 art. 411 KK (złosnaje niepadparadkavańnie patrabavańniam administracyi turmy).
Pa danych śledstva, palitviazień padčas adbyćcia terminu «sistematyčna dapuskaŭ niepadparadkavańnie zakonnym patrabavańniam administracyi papraŭčaj ustanovy, pravakavaŭ kanflikty, u tym liku z sukamiernikami. Za heta nieadnarazova padviarhaŭsia spahnańniam».
Spravu jaho pačnuć razhladać užo 14 lutaha ŭ sudzie horada Žodzina. Praces budzie vieści sudździa Ivan Hrynkievič.
Nahadajem, što palitviaźniu, asudžanamu da 18 hadoŭ kałonii, u žniŭni ŭzmacnili pakarańnie i pieraviali ŭ Žodzina na turemny režym. Tam jaho bieśpierapynna źmiaščali ŭ ŠIZA.
Padtrymać Siarhieja listami salidarnaści i paštoŭkami:
Turma № 8. 222163, h. Žodzina, vuł. Savieckaja, 22A,
Siarhiej Leanidavič Cichanoŭski.
