U Minsku vyniesieny jašče adzin prysud pa «spravie Zielcera»
Minski haradski sud razhledzieŭ spravu 38-hadovaha palitźniavolenaha Siarhieja Bušyka, abvinavačanaha ŭ raspalvańni inšaj varožaści pavodle č. 1 art. 130 i ŭ abrazie pradstaŭnika ŭłady pavodle art. 369 Kryminalnaha kodeksa, piša «Viasna».
Fota: «Viasna»
Spravu razhladała sudździa Śviatłana Čarapanava.
Palitźniavoleny Siarhiej Bušyk byŭ zatrymany 1 kastryčnika 2021 pa kryminalnaj spravie, zaviedzienaj za kamientaryi ŭ internecie paśla hibieli ŭ pierastrełcy ŭ Minsku supracoŭnika KDB Dźmitryja Fiedasiuka i it-śpiecyjalista Andreja Zielcera.
Viadoma, što na pačatku śniežnia palitviaźnia pieraviali z žodzinskaj turmy ŭ Minski SIZA-1.
Sud, jaki adbyŭsia 7 śniežnia, pryznaŭ Siarhieja Bušyka vinavatym i pryznačyŭ jamu pa sukupnaści abvinavačańniaŭ kančatkovaje pakarańnie ŭ vyhladzie dvuch hadoŭ pazbaŭleńnia voli ŭ kałonii va ŭmovach ahulnaha režymu.