Na Bierlinale trapiŭ film pra biełarusa, jaki vajuje ŭ Afrycy
Film Disco Boy, stvorany sumiesna studyjami ź Italii, Francyi i Polščy, trapiŭ u asnoŭnuju konkursnuju prahramu niamieckaha kinafiestyvalu Bierlinale. U filmie raspaviadajecca historyja biełarusa, jaki zapisvajecca ŭ Zamiežny lehijon, kab atrymać pašpart Francyi, piša Most.
Fota: Fare Film / farefilm.it
Film stvarali studyi Dugong ź Italii, Film Grand Huit z Francyi i Donten & Lacroix z Polščy. Zdymki karciny prachodzili ŭ Polščy, Italii i Afrycy.
Dla režysiora Džakoma Abruceze Disco Boy staŭ debiutam u poŭnamietražnym kino. Raniej jon byŭ nieadnarazova ŭznaharodžany za dakumientalnyja i karotkamietražnyja filmy.
Hałoŭnaha hieroja, biełarusa Alaksieja, hraje niamiecki akcior Franc Rahoŭski. Pa siužecie hieroj — prafiesijny tancor, jaki zmušany źbiehčy ź Biełarusi. Jon vyrašaje zapisacca ŭ Zamiežny lehijon, kab potym atrymać dobry zarobak i francuzski pašpart.
Franc Rahavoski i Michał Balicki na zdymkach filma. Fota: Patryk Oberc / Korso.pl
Razam ź im u Francyju jedzie jašče adzin biełarus Michaił — rolu vykonvaje palak Michał Balicki. Abodva siabry pierasiakajuć biełaruska-polskuju miažu razam z hrupaj biełaruskich zaŭziataraŭ, a potym adryvajucca ad ich i nakiroŭvajucca ŭ Francyju.
Paśla Alaksiej traplaje na słužbu ŭ Zamiežny lehijon i ŭdzielničaje ŭ vajennych dziejańniach u Afrycy. Tam Alaksiej sustrakaje Džoma, jaki zmahajecca suprać transnacyjanalnych naftavych kampanij, jakija pahražajuć jaho vioscy.
Na ekrany italjanskich kinateatraŭ film vyjdzie 9 sakavika 2023 hoda. Kali pačnucca pakazy ŭ inšych jeŭrapiejskich krainach, pakul nieviadoma.
