Ad Antarktydy adkałoŭsia hihancki ajśbierh. Jaho płošča — amal piać Minskaŭ
«Raskoł nie źviazany sa źmienami klimatu».
Fota: vecteezy
Uviečary 22 studzienia vielizarny ajśbierh płoščaj u 1550 km² (płošča Minska — 349 km²) adarvaŭsia ad šelfavaha antarktyčnaha lednika Branta. Ab hetym 23 studzienia zajaviła Brytanskaja antarktyčnaja słužba (BAS).
Heta adbyłosia padčas viasieńniaha prylivu z-za raskolin, jakija źjavilisia naturalnym šlacham i jakija na praciahu mnohich hadoŭ raspaŭsiudžvalisia pa ŭsim šlejfie.
Tam ža niepadalok raźmieščana brytanskaja navukovaja stancyja Halej, na jakoj pracuje 21 čałaviek. Pa infarmacyi BAS, supracoŭniki stancyi praciahnuć na joj pracavać da 6 lutaha 2023 hoda, pakul ich adtul nie zabiaruć.
Taksama ŭ słužbie adznačajuć, što ŭ źjaŭleńni novaha ajśbierha niama klimatyčnaha śledu.
«Hety raskoł byŭ čakany i źjaŭlajecca častkaj naturalnych pavodzin šelfavaha lednika Branta. Heta nie źviazana sa źmienaj klimatu. Našy navukovyja i apieratyŭnyja hrupy praciahvajuć sačyć za šelfavym lednikom u režymie realnaha času, kab zabiaśpiečyć jaho biaśpieku i padtrymlivać vykanańnie navukovych daśledavańniaŭ, jakija pravodziacca ŭ Halei», — paviedamlaje BAS.
Čytajcie jašče:
U Jehipcie znajšli 16-mietrovy papirus z tekstami z «Knihi miortvych»
Niekatoryja ludzi abrazajuć krai hubak dla myćcia posudu. Ci maje heta sens?
Strełki na simvaličnym «Hadzińniku Sudnaha dnia» pieraviali jašče bližej da «jadziernaj poŭnačy»
