Palitviaźnia Siarhieja Kapanca ŭ kałonii źmiaščali ŭ ŠIZA ahułam na 150 sutak
Siabra inicyjatyŭnaj hrupy Viktara Babaryki abvinavačvali ŭ dapamahańni Ściapanu Puciłu, Ramanu Pratasieviču i inšym asobam u «arhanizacyi masavych biesparadkaŭ», što vyjaviłasia ŭ pieradačy infarmacyi ŭ bot «ekstremisckaha» telehram-kanała, a taksama ŭ raspaŭsiudžvańni ŭlotak, pieradadzienych jamu Juryjem Vaskrasienskim.
Sud pakaraŭ palitviaźnia 5,5 hadami kałonii va ŭmovach uzmocnienaha režymu.
Były viazień navapołackaj kałonii raspavioŭ pra cisk na Siarhieja:
«Naprykład, Siarhiej Kapaniec byŭ u ŠIZA za toje, što pahutaryŭ ź Viktaram Babarykam, ale rapart byŭ napisany za toje, što jon niby parušyŭ łakalizacyju na pramzonie. Naohuł Siarhiej Kapaniec — samy časty hość ŠIZA ŭ PK-1. Jamu viešajuć parušeńni zaŭsiody z vydumanych pryčyn. Jon jeździć u ŠIZA ledź nie štomiesiac. Ahułam u jaho sabrałasia kala 150 sutak u ŠIZA».
Padtrymajcie jaho listami, paštoŭkami i telehramami: PK №1, 211440, h. Navapołack, vuł. Techničnaja, 8, Ciarhiej Vasiljevič Kapaniec.
