Hrodzienca asudzili na hod kałonii za abrazu Łukašenki. Mužčyna pakinuŭ niekalki dopisaŭ u «Adnakłaśnikach»
U Kastryčnickim sudzie Hrodna 14 śniežnia 2022 hoda asudzili Andreja Maconka pavodle č. 1 art. 368 (abraza Łukašenki) Kryminalnaha kodeksa. Sudździa Dźmitryj Kiedal pryznačyŭ mužčynu adzin hod pazbaŭleńnia voli ŭ kałonii va ŭmovach ahulnaha režymu, paviedamlaje «Viasna».
Andreja abvinavacili ŭ tym, što jon z mabilnaha telefona ŭ sacsietcy «Adnakłaśniki» pakinuŭ publikacyju z vyjavaj i tekstam, jakija «prynižajuć honar i hodnaść asoby, abraźlivuju infarmacyju i niehatyŭnuju acenku» Łukašenki.
Taksama mužčynu pastavili ŭ vinu, što jon u svaich publikacyjach abvinavaciŭ Łukašenku ŭ ździajśnieńni ciažkich złačynstvaŭ pavodle č. 3 art. 424 (złoŭžyvańnie ŭładaj albo słužbovymi paŭnamoctvami) i č. 3 art. 426 (pieravyšeńnie ŭłady albo słužbovych paŭnamoctvaŭ) Kryminalnaha kodeksa.
Publikacyi Andreja na staroncy zaŭvažyŭ supracoŭnik milicyi padčas manitorynhu sacyjalnych sietak.
Mužčyna pryznaŭ vinu častkova i paviedamiŭ, što častku publikacyj, jakija staviać jamu ŭ vinu, raźmiaściŭ u siabie na staroncy, kali znachodziŭsia za miežami Biełarusi. Ale da hetaha padčas dopytu paviedamiŭ, što hetyja ž publikacyi ź vieraśnia 2020 hoda pa sakavik 2021 hoda raźmiaściŭ, znachodziačysia pa miescy prapiski ŭ Hrodnie.
Andrej raskajaŭsia ŭ ździejśnienym.
Andrej Maconak maje na ŭtrymańni niepaŭnaletniaje dzicia.
