Brytanskaja raźviedka: Bai va Ukrainie zajšli ŭ tupik
U štodzionnaj zvodcy brytanskaj raźviedki ŭ subotu, u 332-i dzień vajny, havorycca ab situacyi na asnoŭnych frantach.
Fota: Efrem Lukatsy, AP
U apošnija dni samyja žorstkija bai vialisia ŭ troch siektarach. Na paŭnočnym uschodzie, niedaloka ad Kramiannoj, Ukraina, vierahodna, damahłasia nievialikich pośpiechaŭ i zmahła paśpiachova abaranicca ad rasijskaj kontrataki.
Na bachmuckim napramku rasijskija vajskoŭcy i siły «Vahniera», vierahodna, adnaŭlajuć bajazdolnaść u horadzie Saladary paśla jaho zachopu ŭ pačatku tydnia.
Na poŭdni, u Zaparožskaj vobłaści, abodva baki zasiarodzili značnyja siły, jakija viaduć artyleryjskija pierastrełki i ŭstupajuć u niaznačnyja sutyčki, paźbiahajučy maštabnych nastupalnych dziejańniaŭ.
U cełym bajavyja dziejańni zajšli ŭ tupik. Adnak isnuje realnaja mahčymaść łakalnaha prasoŭvańnia rasijskich vajskoŭcaŭ u rajonie Bachmuta, kanstatuje brytanskaja raźviedka.
