Znajści
Ałharytmičny łacinski varyjant
22.01.2023 / 15:5036RusŁacBieł

«Zavistlivyje złopychanija krys». Rajonki Mahiloŭščyny družna apublikavali artykuły, jak kiepska žyviecca biełarusam u emihracyi. Čytać heta — asałoda

«Rajonki» ŭ telehramie raskazvajuć pra dobraje žyćcio na radzimie i nievynosnaje isnavańnie ŭ Łondanie i Varšavie. 

Rajcentr Akciabrski. Skrynšot: videa kanała «Rudabielskaja pakazucha»

«Biełaśniežnaja pałuba našaha karabla» 

U samym uschodnim i adnym z samych abiaźludziełych rajonie — Chocimskim — ciešacca z taho, što praciŭniki dyktatury źjazdžajuć. Jany nazvanyja «pacukami», jakija nie topčuć «biełaśniežnuju pałubu našaha karabla pad nazvaj Biełaruś».

Publikacyja chocimskich prapahandystaŭ. Skryn z telehram-kanała

«My pakarajem kaśmičnyja prastory, my stali domam dla sotniaŭ ludziej, jakija patanajuć u viry hulniaŭ zamiežnych palitykaŭ i ich padchalimaŭ, my stvaryli ŭsie ŭmovy, kab u našych dziaciej byli mary, jakija jany abaviazkova ažyćciaviać, a našy staryja ni ŭ čym nie mieli patrebu. Zajzdrosnyja złaślivyja pacuki z-za miažy tolki ŭmacoŭvajuć našu vieru ŭ toje, što ŭsio my robim pravilna», — adznačajuć jany.

«Žychary Łondana zmahajucca za svajo prava na žyćcio»

Kaściukovickim prapahandystam daviałosia pieražyvać za žycharoŭ Łondana.

«Pakul našy zmahary kryčać na ŭsiu Jeŭropu pra toje, jak im ciažka žyć u Biełarusi, žychary Łondana zmahajucca za svajo prava na žyćcio», — zajaŭlajuć jany.

Publikacyja kaściukovickich prapahandystaŭ. Skryn z telehram-kanała

«Ceny na elektraenierhiju nastolki vysokija, što daloka nie kožny moža dazvolić sabie ciopły dom. U vyniku ludzi zachvorvajuć i pamirajuć. Vy dumajecie, što «ŭsłaŭleny» zachodni ŭrad hetaha nie bačyć? Bačyć, ale biaździejničaje. Im naplavać na svaich hramadzian, jak, zrešty, i na biełarusaŭ», — robiać vysnovu prapahandysty.

Za miažoju «vymiareńnie tempieratury cieła akazvajecca prablemaj»

Krasnapolskamu rajonu vypała chvalić biełaruskuju miedycynu.

«U našaj krainie ludzi nie pazbaŭlenyja mahčymaści vybaru: naprykład, pa miedyčnuju dapamohu možna źviartacca biaspłatna, ale i dla tych, chto choča skarystacca pasłuhami płatnaj miedycyny, takaja mahčymaść nie vyklučana», — pišuć jany.

Publikacyja krasnapolskich prapahandystaŭ. Skryn z telehram-kanała

«Ale našych suajčyńnikaŭ, jakija ŭciakli za miažu, taki raskład nie zadavalniaje, — zajaŭlajecca ŭ dopisie dalej. — Na praktycy akazałasia, što jany «chočuć» prachodzić abśledavańni i lačycca zadoraha, doŭha i nie pa časie ŭ lekaraŭ-«prafiesijanałaŭ», jakija lečać usich zapar ibuprafienam».

Pavodle prapahandystaŭ, za miažoju «vymiareńnie tempieratury cieła akazvajecca prablemaj, dy jašče i «supier-hraduśnik, miakka kažučy, padvodzić».

Mahiloŭskija ideołahi dadajuć: «Časam biełarus nie žadaje čakać svajho biaspłatnaha pryjomu. Tady možna zapisacca na płatnyja pasłuhi».

Razam z tym, pavodle danych Dziaržaŭnaj słužby zaniataści, biełaruskim balnicam i paliklinikam nie chapaje 4600 daktaroŭ dy 3330 miedsiaścior.

«Źbiehłyja ŭziali bilet u adzin kaniec»

Čerykaŭskim rabotnikam prapahandysckaha frontu zahadali beścić svaich ziemlakoŭ, źjechaŭšych paśla «niaŭdałaj kalarovaj revalucyi žniŭnia 2020 hoda».

Publikacyja čerykaŭskich prapahandystaŭ. Skryn z telehram-kanała

«Źbiehłyja ŭziali bilet u adzin kaniec. Viarnucca dadomu — značyć adkazać pierad dziaržavaj za ŭsie svaje ŭčynki. Hetaha jany, viadoma, nie žadajuć. Voś i skardziacca ŭ sacsietkach na svaju dolu. A dumać pra toje raniej treba było», — pišuć ideołahi.

«Hramadzianie našaj krainy — heta abahulnieny vobraz biespracoŭnaha ŭ Polščy»

Bychaŭskija prapahandysty strašać: «Čym macniej źnižajecca ŭzrovień žyćcia palakaŭ, tym bolš luta jany pačynajuć nienavidzieć biełarusaŭ».

Pavodle prapahandystaŭ, u vačach palakaŭ «hramadzianie našaj krainy — heta abahulnieny vobraz biespracoŭnaha, jaki nie maje hrošaj, viečna nyje i łaje Polšču i samich palakaŭ».

Publikacyja bychaŭskich prapahandystaŭ. Skryn z telehram-kanała

Nasamreč palaki zacikaŭlenyja ŭ tym, kab biełarusy pryjazdžali da ich pracavać. 

A kolkaść biełarusaŭ, jakija chočuć pierabracca ŭ susiedniuju krainu, pavialičvajecca. Z 2019 hoda ŭ Polščy biełarusy stali druhoj pa kolkaści hrupaj zamiežnikaŭ paśla ŭkraincaŭ.

Pavodle źviestak Centra biełaruskaj salidarnaści, na 30 vieraśnia 2022 hoda 59 327 hramadzian Biełarusi mieli dazvoł na prava pražyvańnia ŭ Polščy.

U Biełarusi — «Chto choča sumlenna pracavać — zabiaśpiečany pracaju i hodnym zarobkam»

U hetym pierakonvajuć babrujskija ideołahi.

Publikacyja babrujskich prapahandystaŭ. Skryn z telehram-kanała

U Babrujsku tym časam siaredni zarobak (pa danych za kastryčnik 2022 hoda) skłaŭ 1 311 rubloŭ, a ŭ rajonie jašče mienš — 1 197 rubloŭ. 

«Raskajańnie musić być ščyrym i čystym, jak samo śviata Rastva»

Prapahandysty sa Škłoŭskaha rajona ličać, što «źbiehłyja rady b viarnucca, ale ich trymaje strach».

«I ŭ Hod miru i stvareńnia naš prezident i naša hramadstva dajuć im šaniec — raskajacca i dakazać svajo raskajańnie, viarnucca ŭ svaju chatu i da svaich rodnych… Ale tolki pry ŭmovie, što hetaje raskajańnie budzie ščyrym i čystym, jak samo śviata Rastva… I paćvierdžanym učynkami», — rajać ideołahi z małoj radzimy Łukašenki.

Publikacyja škłoŭskich prapahandystaŭ. Skryn z telehram-kanała

Ich kalehi z Kruhlanskaha rajona dapaŭniajuć, cytujučy Łukašenku:

«Dadomu, kajciesia i stanaviciesia na kaleni! Dalej budzie horš. Tamu dadomu, na kaleniach, paŭzkom!»

Prapahandysty z Mahiloŭskaha rajona ŭpeŭnienyja, što ŭ biełarusaŭ-emihrantaŭ «ad nastalhii ŭžo skuły zvodzić» i im «daviadziecca žyć uspaminami», a dalej padkazvajuć:

«Nu ci nabracca śmiełaści — viartacca, nie bajacca adkaznaści za ŭsio, što narabili. A ŭžo potym i žyć spakojna na radzimie — ź siamjoj, siabrami».

Ataka na biełarusaŭ-emihrantaŭ pakul adpracavanaja, jak vyhladaje, tolki na prapahandysckich placoŭkach Mahiloŭskaha rehijona. Nie vyklučana, što da Mahiloŭščyny padklučać nieŭzabavie inšyja vobłaści.

«Naša Niva» — bastyjon biełaruščyny

PADTRYMAĆ

Inha Chruščova: Markaŭ — pychlivy, Azaronak — siekta, biełaruskaja prapahanda strašniejšaja za rasijskuju

Pasoł Ukrainy ŭ Biełarusi: Biełarusy vierać televizaru, ale kančatkovy pierałom pakul nie adbyŭsia

Absalutnaja sterylnaść: u padpisnym katałohu «Biełpošty» nie zastałosia niezaležnych ŚMI

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kopčienyj hoblen/adkazać/
23.01.2023
hoblen, jeśli nado objaśniať, to nie nado objaśniať
0
My pojdiem druhim putiem/adkazać/
23.01.2023
Biešienych sobak dumami nie ostanavlivajut. Nie duritie svoju łysuju hołovu i zaboťtieś o svojej koptiłkie
0
Źmitrok Mahiloviec/adkazać/
23.01.2023
Heta paśladoŭniki Juliŭsa Štrejkiera. Dumaju, što hetyja kałhaśniki piara i papiery navat nia viedviuć chto heta taki, a vielmi im treba viedać, bo iduć pa tamu ž šlachu. Pytańnie inšaje- a chto hetaje łajno siońnia čytaje???? Kolui pryvoziać na palicy na prodaž stolki i zabirajuć na makułaturu nazad.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera