«Va Ukrainie kažuć, što jakasnyja». Zbrojevy zavod u Litvie pracuje ŭ try źmieny

Fota: ggg-ammo.lt

Dziaržaŭny zbrojevy zavod u Koŭnie (Litva) pracuje ŭ try źmieny. «My ŭžo, u pryncypie, dasiahnuli maksimumu vytvorčych mahutnaściaŭ. My inviestujem, kab vyrablać jašče bolš», — skazaŭ telekanału LNK staršynia praŭleńnia zavoda Danhirucis Janušas.

Zavod vyrablaje patrony niekalkich kalibraŭ pa standartach NATA, vialikaja ich častka idzie va Ukrainu. 

«Na forumach, dzie abmiarkoŭvajuć vajnu va Ukrainie, časta možna pabačyć, što havorać pra patrony z Hirajcie, što jany vielmi jakasnyja, ich vykarystoŭvajuć śpiecsiły», — skazaŭ Janušas.

Dziaržaŭny zbrojevy zavod u Hirajcie byŭ zbudavany ŭ 2000—2001 hadach, užo ŭ niezaležnaj Litvie. 

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

45

1

1

0

1

2