Ministr finansaŭ Niamieččyny: My bolš nie zaležym ad rasijskich enierhanośbitaŭ
Hiermanija bolš nie zaležyć ad rasijskaha impartu enierhanośbitaŭ, zajaviŭ u intervju Bi-bi-si ministr finansaŭ krainy Kryścijan Lindnier.
Fota: Dmitry Lovetski / AP
Pavodle słoŭ Lindniera, Hiermanija całkam dyviersifikavała svaju enierhietyčnuju infrastrukturu paśla rasijskaha ŭvarvańnia ŭ Ukrainu.
Bierlin znajšoŭ novyja krynicy impartu enierhanośbitaŭ, niahledziačy na toje, što Rasija pierakryła hazavyja krany ŭ Jeŭropu, skazaŭ Lindnier.
«Tak, viadoma, Niamieččyna pa-raniejšamu zaležyć ad impartu enierhanośbitaŭ, ale siońnia ŭžo nie ad impartu z Rasii, a ad suśvietnych rynkaŭ», — skazaŭ jon.
Raniej Hiermanija impartavała z Rasii kala pałovy spažyvanaha hazu i bolš za treć usioj nafty. Rasija spyniła pastaŭki hazu ŭ krainu ŭ žniŭni, a Niamieččyna spyniła impart rasijskaj nafty ŭ pačatku hetaha hoda.
U pahoni za alternatyŭnymi krynicami enierhii kraina znoŭ adkryła vuhalnyja elektrastancyi, adkłała płany pa zakryćci troch pakinutych u Hiermanii atamnych elektrastancyj i pavialičyła mahutnaści dla zachoŭvańnia pryrodnaha hazu, impartavanaha ź inšych krain, takich jak Narviehija i ZŠA.
Lindnier, jaki prymaje ŭdzieł u Suśvietnym ekanamičnym forumie, što prachodzić u Davosie, źviarnuŭ uvahu na chutkaść, ź jakoj u Hiermanii byŭ pabudavany novy terminał dla zvadkavanaha pryrodnaha hazu — prykładna za vosiem miesiacaŭ, pa jaho słovach.
Ministr finansaŭ Niamieččyny dadaŭ, što zapłanavanyja dadatkovyja inviestycyi ŭ infrastrukturu. «Heta tolki adzin prykład vielizarnych pieramien u palitycy Niamieččyny», — skazaŭ jon.
