ISW: Pucin moža ŭ najbližejšy čas abjavić druhuju chvalu mabilizacyi
Prezident RF Uładzimir Pucin u najbližejšyja dni, a, mahčyma, navat siońnia, moža abjavić u Rasii druhuju chvalu mabilizacyi, ličać analityki Instytuta vyvučeńnia vajny.
U instytucie nahadali zajavu śpikiera Kramla Dźmitryja Piaskova, jaki ŭčora paviedamiŭ, što Pucin vystupić 18 studzienia z pramovaj u Sankt-Pieciarburhu z nahody 80-j hadaviny praryvu savieckim vojskam błakady Leninhrada — horada, u jakim naradziŭsia rasijski prezident.
«Pucin lubić vykarystoŭvać simvaličnyja daty dla zvarotu da rasijskaha naroda. Niekatoryja rasijskija pravajennyja błohiery adznačali, što jon skarystajecca hetaj mahčymaściu, kab abjavić abo mabilizacyju, abo vajnu z Ukrainaj. Ukrainskaja i zachodniaja raźviedki taksama nieadnarazova papiaredžvali ab mabilizacyjnych padrychtoŭkach Pucina, zapłanavanych na siaredzinu studzienia», — havorycca ŭ spravazdačy amierykanskich analitykaŭ.
