Samy stary čałaviek u śviecie pamior va ŭzroście 118 hadoŭ
Lusil Rendan naradziłasia ŭ 1904 hodzie, a ŭ 2021-im pieražyła ŭspyšku COVID-19, staŭšy simvałam nadziei dla ludziej z usiaho śvietu, piša Bi-bi-si.
Fota: gerontology.wikia.org
Samy stary viadomy čałaviek u śviecie, francuzskaja manaška Lusil Rendan, pamierła va ŭzroście 118 hadoŭ, paviełamlaje The Guardian sa spasyłkaj na jaje pradstaŭnika Devida Taveła.
Pavodle jaho słoŭ, jana pamierła ŭ śnie ŭ domie sastarełych u Tułonie.
«Heta vialiki smutak, ale… heta było jaje žadańnie dałučycca da lubimaha brata. Dla jaje heta było vyzvaleńniem», — skazaŭ Taveła.
Lusil Rendan, viadomaja jak siastra Andre, naradziłasia na poŭdni Francyi 11 lutaha 1904 hoda, za 10 hadoŭ da pačatku Pieršaj suśvietnaj vajny. Jana pracavała huviernantkaj i vychavacielkaj, a ŭ 1944 hodzie, va ŭzroście 40 hadoŭ, pajšła ŭ manastyr. Z 1979 hoda jana znachodziłasia ŭ damach sastarełych, a z 2009 hoda — u takim ža domie ŭ Tułonie.
U 2021 hodzie Rendan pieražyła ŭspyšku karanavirusa, jaki zabraŭ žyćci 10 čałaviek u jaje domie sastarełych, staŭšy simvałam nadziei dla ludziej z usiaho śvietu.
Jana stała samym starym čałaviekam u śviecie ŭ krasaviku minułaha hoda, kali japonka Kane Tanaka pamierła va ŭzroście 119 hadoŭ.
Čytajcie jašče:
Va Ukrainie źbirajuć podpisy za razryŭ dypłamatyčnych adnosin ź Biełaruśsiu
Dočki Pucina i biełarus, jaki vučyŭsia na nielehała ŭ Akademii SVR. U Rasii apublikavanaje rasśledavańnie pra kanśpiratyŭnyja kvatery
Jany — madeli, choć im za 70
