U Kitai zafiksavana pieršaje za 60 hadoŭ skaračeńnie nasielnictva
Nasielnictva Kitaja skaraciłasia ŭpieršyniu za 60 hadoŭ. U 2022 hodzie jano pamienšała na 850 tysiač čałaviek u paraŭnańni ź minułym hodam, vynikaje sa źviestak dakłada Dziaržaŭnaha statystyčnaha ŭpraŭleńnia KNR, piša «Novaja hazieta. Jeŭropa».
Da kanca 2022 hoda nasielnictva Kitaja skłała 1 411 750 000 čałaviek, da kanca 2021-ha heta ličba była bolšaja na 850 tysiač. Za minuły hod u krainie naradzilisia 9,56 młn dziaciej i pamierli 10,41 młn žycharoŭ.
Apošni raz takoje skaračeńnie kolkaści nasielnictva było zafiksavana ŭ Kitai ŭ 1961 hodzie ŭ pieryjad vialikaha kitajskaha hoładu. Ekśpierty AAN prahnazujuć, što da 2050 hoda nasielnictva Kitaja skarocicca na 109 młn čałaviek, što bolš čym u try razy pieravyšaje ich papiaredni prahnoz u 2019 hodzie, adznačaje Reuters.
Ahienctva piša, što taki demahrafičny spad staŭ vynikam palityki Kitaja «adna siamja — adno dzicia», uviedzienaj u pieryjad z 1980 pa 2015 hod, a taksama vysokich koštaŭ na adukacyju, praź jakija siemji časta admaŭlajucca vychoŭvać bolš za adno dzicia.
Žančyn u repraduktyŭnym uzroście (ułady Kitaja vyznačajuć, što ŭ hetuju katehoryju ŭvachodziać žančyny 25—35 hadoŭ) za minuły hod stała mienš na 4 młn.