Na Australian Open zabaranili ściahi Rasii i Biełarusi paśla vypadku ŭ pieršy dzień turniru
Arhanizatary Adkrytaha čempijanatu Aŭstralii pa tenisie zabaranili prynosić dziaržaŭnyja ściahi Rasii i Biełarusi paśla incydentu ŭ pieršy dzień turniru. Rasijski ściah źjaviŭsia na trybunach padčas matča pamiž rasijankaj Kamiłaj Rachimavaj i ŭkrainkaj Kaciarynaj Bajndl. Ukrainskija zaŭziatary śćviardžajuć, što ŭkrainskuju tenisistku pravakavali i dražnili, paśla čaho jany vyklikali achovu i palicyju, piša Bi-bi-si.
Fota: twitter.com/AmbVasyl
Pasoł Ukrainy ŭ Aŭstralii Vasil Mirašničenka ŭ Twitter zaklikaŭ arhanizataraŭ vykonvać umovy niejtralnaha ściaha.
«Ściahi Rasii i Biełarusi ciapier zabaronienyja. Zabarona ŭstupaje ŭ siłu nieadkładna», — havorycca ŭ zajavie arhanizataraŭ Australian Open.
I strongly condemn the public display of the Russian flag during the game of the Ukrainian tennis player Kateryna Baindl at the Australian Open today. I call on Tennis Australia to immediately enforce its “neutral flag” policy. @TennisAustralia@AustralianOpenpic.twitter.com/zw8pLN4FIF
Pa ich słovach, pieršapačatkova jany dazvalali zaŭziataram pranosić ściahi pry ŭmovie, što nijakich parušeńniaŭ i pravakacyj nie budzie.
«Heta vielmi niebiaśpiečna, vajna praciahvajecca», — cytuje adnaho z fanataŭ aŭstralijskaja hazieta The Age. — Heta nievialiki kort, jany [sa ściahami] byli vielmi blizka da hulcoŭ, tamu ja adčuvaŭ elemient zapałochvańnia».
Taja ž hazieta cytuje adnaho z rasijskich zaŭziataraŭ, jon kaža, što jany prosta padtrymlivali suajčyńnicu: «Kamuści mahło padacca heta niepryjemnym, ale my prosta zaŭzieli. Nie było ni naśmiešak, ni niepavahi».
Biełaruska Aryna Sabalenka na paślamatčavaj pres-kanfierencyi skazała, što razumieje, čamu ściahi mohuć źniervavać ukrainskich zaŭziataraŭ: «Ja zaŭsiody ličyła, što sport pa-za palitykaj, ale kali ŭsim tak lepš, to heta dobra».
Ukrainskaja tenisistka Marta Kaściuk raniej skazała, što nie budzie cisnuć ruku paśla matča spartsmiency z Rasii ci Biełarusi, kali tolki tyja nie vykažucca suprać vajny.
«Heta niemahčyma, pakul idzie vajna. Chiba što jany rašuča asudziać dziejańni svaich uradaŭ. Prosta skazać «Što «my nie chočam vajny» — niedastatkova. Tamu što takaja farmuloŭka śćviardžaje, što heta my, ukraincy, chočam vajny. A heta nie adpaviadaje rečaisnaści. Kali chto-niebudź ź ich sapraŭdy vyrašycca vyrazna asudzić vajnu, tady jon ci jana sapraŭdy buduć zasłuhoŭvać hulać tut. A kali jany maŭčać … pa-mojmu, heta prosta biesčałaviečna», — skazała Kaściuk.
