Eks-palitźniavolenaj Alaksandry Patrasajevaj nie stali ŭzmacniać pakarańnie
Sudovy praces ab zamienie Alaksandry «chatniaj chimii» na «chimiju» z nakiravańniem ŭ papraŭčuju ŭstanovu adkrytaha typu siońnia adbyŭsia ŭ sudzie Frunzienskaha rajona Minska. Pa jaho vynikach sudździa Andrej Mlečka, adnak, vyrašyŭ, što ŭ dadzienym vypadku padstaŭ uzmacniać pakarańnie niama, piša «Viasna».
Dziaŭčynu asudzili ŭ krasaviku 2021 hoda da troch hadoŭ «chatniaj chimii» pavodle «narodnaha» artykuła 342 Kryminalnaha kodeksa (aktyŭny ŭdzieł u hrupavych dziejańniach, jakija hruba parušajuć hramadski paradak). Na sudzie dziaŭčyna vinu nie pryznała i skazała, što akazvała miedycynskuju dapamohu ludziam — apracoŭvała rany, davała abiazbolvalnaje paciarpiełym. Paŭhoda da suda Alaksandru ŭtrymlivali ŭ SIZA-1.
U žniŭni 2020-ha Alaksandra try dni znachodziłasia na Akreścina, dzie pieražyła katavańni: źbićcio, źniavahi, abrazy i pahrozy.
