U Biełarusi pierastanuć vypraboŭvać kaśmietyku na žyviołach
U Biełarusi ŭvodziacca siem miždziaržaŭnych standartaŭ pa vyznačeńni taksikałahičnych pakazčykaŭ inhredyjentaŭ, jakija ŭvachodziać u skład parfumierna-kaśmietyčnaj pradukcyi, biez vykarystańnia žyvioł. Pra heta paviedamiŭ Dziaržstandart.
Fota ilustracyjnaje
Udakładniajecca, što dva z hetych dakumientaŭ užo pačali dziejničać z 1 studzienia. Z červienia budzie ŭviedziena jašče piać.
Taksama ŭ Dziaržstandarcie adznačajuć, što «prymianieńnie novych standartaŭ, zasnavanych na analizie taksikałahičnych pakazčykaŭ kaśmietyčnych inhredyjentaŭ, dazvolić vypraboŭvać usiu parfumierna-kaśmietyčnuju pradukcyju alternatyŭnymi mietadami».
Heta maje źnizić dla Biełarusi techničnyja barjery dla pastavak na rynki krain, u jakich zabaronienaja realizacyja hatovaj parfumierna-kaśmietyčnaj pradukcyi, inhredyjenty jakoj abo ich kambinacyi vypraboŭvalisia na žyviołach.