Na centralizavanym teściravańni častka «B» pavialičycca ŭ razy, buduć zabirać i čarnaviki
Struktura testaŭ centralizavanaha ekzamiena pierahledžanaja vielmi surjozna, paviedamiŭ na YouTube-kanale BiełTA načalnik Hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Kaśpiarovič.
Čynoŭnik adznačyŭ, što dla tych, chto surjozna nastrojeny na samu vučobu, a nie tolki na pastupleńnie, składanaściaŭ sa zdačaj centralizavanaha ekzamiena nie budzie. Ale pry hetym jon dadaŭ, što sama struktura testaŭ vielmi surjozna pierahledžanaja.
«U nas buduć zadańni ź pieršaha pa čaćviorty ŭzrovień składanaści, nijakich alimpijadnych i nabližanych da ich zadańniaŭ nie budzie, tolki poŭnaja i absalutnaja adpaviednaść navučalnym prahramam, vučebnym pradmietam na ŭzroŭni bazavych kłasaŭ», — raspavioŭ Kaśpiarovič. Heta datyčyć nie tolki centralizavanaha ekzamiena, ale i teściravańnia.
Havoračy pra źmieny ŭ arhanizacyi centralizavanaha teściravańnia, načalnik Hałoŭnaha ŭpraŭleńnia adznačyŭ, što častka «B» pavialičyłasia ŭ razy.
«Heta taja častka, dzie niama mahčymaści vybaru, tut prosta adhadać niama nijakich šancaŭ. Treba budzie ŭziać ručku, uziać čarnavik, rašyć zadačy, atrymać litarny abo ličbavy adkaz i ŭpisać jaho ŭ kletki błanka adkazaŭ akuratna, roŭna», — rastłumačyŭ Kaśpiarovič.
Pry hetym abituryjentam daviadziecca zdavać arhanizataram jašče i čarnavik. Choć niezrazumieła, navošta, bo jon maŭlaŭ, nie adyhraje nijakaj roli ŭ aceńvańni.
Zaraz usie vučni u kaho bolš 3 iźvilin pastupajuć za miažoj
A voś biełaruskija "vuzy" heta 100% marnavańnie času