Biełaruski Biełastoka praviali mitynh «suprać niezakonnych sankcyj za zakonnyja sankcyi» i prynieśli «płod pakajańnia»
Biełastockija biełaruski tvorča adhuknulisia na vykazanuju dniami prapanovu «sienatara» Aleha Dźjačenki adnosna taho, jak jany mohuć vymalić sabie daravańnie z boku łukašenkaŭskaha režymu.
Člen Savieta Respubliki i rektar Akademii paśladypłomnaj adukacyi Aleh Dźjačenka dniami vykazaŭ taki kreatyŭny padychod:
«Hetyja ludzi pavinny stvaryć dastojny płod pakajańnia. Za miažoj jany pavinny zrabić kroki nasustrač našaj krainie. Jakija heta mohuć być kroki? Jany mohuć pryniać udzieł u mierapryjemstvach za miažoj u padtrymku našaj dziaržavy. Jany kryčali pra ŭviadzieńnie sankcyj. Chaj ciapier papracujuć na toje, kab źniać hetyja sankcyi».
Niekalki biełarusak u Biełastoku pryniali hetyja słovy blizka da serca i vystupili z zajavaj:
«U adkaz na prapanovu prapahandystaŭ režymu Łukašenki pravieści akcyju dziela chutčejšaha viartańnia biehłych dadomu my źviartajemsia da jeŭrapiejskich palitykaŭ: «Patrabujem vykarystać usie svaje mahčymaści, kab Łukašenka jak maha chutčej źjaviŭsia ŭ Haazie i pryniaŭ udzieł va ŭračystaj cyrymonii źniaćcia sankcyj ź jaho. Volnyja biełaruski Biełastoka».
Paśla taho jany vyjšli na vulicu ź pikietam, na jaki prynieśli i «płod pakajańnia».
cikava - heta śpiecyjalna tak zroblena?