KDB pieradaŭ u hienprakuraturu «spravu ŭdzielnikaŭ złačynnaj hrupy, abvinavačanych u teraryźmie»
U jakaści abvinavačanych prachodziać 18 čałaviek, ź ich 3 — zavočna, piša «Viasna».
U jakaści abvinavačanych pa kryminalnaj spravie prachodziać 18 čałaviek: Vadzim Prakopjeŭ, Dzianis Chamicevič, Ihar Čamiakin, Vital Vajciachovič, Anastasija Vajciachovič, Uładzisłaŭ Vajciachovič, Volha Vajciachovič, Siarhiej Lisoŭski, Alaksiej Michajłaŭ, Dźmitryj Nieviarkievič, Eduard Piastrak, Volha Pietuch, Mikałaj Roj, Uładzimir Saviankoŭ, Siarhiej Sakałoŭ, Dzianis Fiłončyk, Pavieł Čychinski i Piotr Jurkievič.
U adnosinach da ŭsich abvinavačanych prymieniena miera strymańnia ŭ vyhladzie ŭziaćcia pad vartu (u dačynieńni da Vadzima Prakopjeva, Dzianisa Chamiceviča i Ihara Čamiakina — zavočna).
Abvinavačanym zakidajucca ciažkija kryminalnyja artykuły, siarod jakich teraryzm, niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, niezakonny abarot mocnadziejnych ci atrutnych rečyvaŭ, zmova z metaj zachopu dziaržaŭnaj ułady, zakliki da sankcyj, hvałt ci pahroza hvałtu ŭ dačynieńni da supracoŭnikaŭ milicyi, złoŭžyvańnie ŭładaj ci słužbovym stanoviščam i h.d.
