Adzin z palitviaźniaŭ vyjšaŭ na volu pa amnistyi
Z 16 žniŭnia 2021 hoda Piatro Zinievič adbyvaŭ termin u viciebskaj PUAT № 9. 11 studzienia palitviazień vyjšaŭ na volu pavodle zakona ab amnistyi ad 7 śniežnia 2022 hoda, paviedamlaje «Viasna».
Piatro Zinievič — pradprymalnik-telemajstar z Baranavičaŭ. Jaho asudzili na dva hady abmiežavańnia voli z nakiravańniem u papraŭčuju ŭstanovu adkrytaha typu («chimija») pavodle artykuła 188 KK (paklop).
Mužčynu asudzili za toje, što jon u žniŭni na svajoj staroncy «UKantakcie» apublikavaŭ fatazdymak supracoŭnika Baranavickaha RAUSa z nadpisam «Udzielničaŭ u razhonie mitynhaŭ i katavaŭ ludziej». Taksama jamu pryznačyli zapłacić 1 000 rubloŭ maralnaj kampiensacyi paciarpiełamu milicyjantu.
Žonka palitviaźnia Iryna Krasuckaja taksama była asudžanaja — za kamientar — da 2 hadoŭ «chatniaj chimii» pavodle art. 369 KK (abraza pradstaŭnika ŭłady).
