U Śvisłackim rajonie haspadar znajšoŭ u siabie ŭ chlavie zbroju i bojeprypasy
U Śvisłackim rajonie Hrodzienskaj vobłaści miascovy žychar na svaim učastku znajšoŭ ceły arsienał, paviedamiłi ŭ Dziaržaŭnym kamitecie sudovych ekśpiertyz.
Pačałosia z taho, što mužčyna niadaŭna, u vieraśni, nabyŭ dom na vioscy. Ciapier jon vyrašyŭ navieści na svaim učastku paradak. Padčas prybirańnia jon zaŭvažyŭ padazronyja pradmiety i źviarnuŭsia ŭ milicyju.
Kali na miesca prybyli miascovyja milicyjanty, to ŭ adnoj z haspadarčych pabudoŭ jany znajšli roznyja pradmiety, jakija adpravilisia na balistyčnuju ekśpiertyzu.
Pa vynikach daśledavańniaŭ sudovyja ekśpierty abłasnoha ŭpraŭleńnia vyznačyli, što dasłanyja na ekśpiertyzu pradmiety vyrablenyja zavodskim sposabam i źjaŭlajucca patronnaj stužkaj 7,62-mm kulamiota Kałašnikava i mahazinami da aŭtamata AK-74 kalibru 5,45-mm.
Akramia taho, vyjaŭlena, što jašče adzin padadzieny na ekśpiertyzu pradmiet — heta pieraroblenaja samarobnym sposabam 7,62-mm samazaradnaja vintoŭka sistemy Tokarava ŭzoru 1940 hoda. Ekśpierty vyjavili, što jana prydatnaja dla stralby.
Pa hetym fakcie Śvisłackim RAUSam pravodzicca pravierka, vyśviatlajucca ŭsie abstaviny źjaŭleńnia hetych pradmietaŭ u viaskovym chlavie.
