Kitaj dadaŭ Biełarusi bolš za 50 miljonaŭ dalaraŭ na budaŭnictva Nacyjanalnaha futbolnaha stadyjona i basiejna
Kitaj vydzieliŭ Biełarusi dadatkova 350 młn juaniaŭ (heta amal 52 młn dalaraŭ) na budaŭnictva ŭ Minsku Nacyjanalnaha futbolnaha stadyjona i basiejna mižnarodnaha standartu.
Pra heta havorycca ŭ mižuradavym pahadnieńni, apublikavanym 11 studzienia na Nacyjanalnym pravavym internet-partale.
Hrošy vydzialajucca ŭ adpaviednaści z patrebaj ŭrada Biełarusi jak technika-ekanamičnaja dapamoha «dla papaŭnieńnia niedachopu finansavańnia» prajektaŭ «Nacyjanalny futbolny stadyjon» i «Basiejn mižnarodnaha standartu», havorycca ŭ pahadnieńni.
Urady Kitaja i Biełarusi padpisali hety dakumient jašče 22 listapada 2022 hoda, ale apublikavany jon tolki ciapier.
Nacyjanalny futbolny stadyjon uzvodzicca niepadalok ad stadyjona «Traktar», a basiejn — kala stancyi «Maładziožnaja».
