Advakat Sapiehi raskazaŭ, što budzie rabić dalej
Advakat Safii Sapiehi Anton Hašynski raskazaŭ u kamientary dla rasijskaha vydańnia RBK, što źbirajecca rabić pa jaje spravie dalej. Siońnia stała viadoma, što Łukašenka admoviŭ dziaŭčynie ŭ pamiłavańni, choć heta ŭsimi čakałasia.
«Da apošniaha spadziavalisia, što rašeńnie budzie pryniataje stanoŭčaje i Safiju pamiłujuć. Ale kamisija pa pamiłavańni, vidać, paličyła, što jana nie vartaja pamiłavańnia. Tamu zaraz budziem prasić, kab jaje adpravili adbyvać pakarańnie ŭ Rasijskuju Fiederacyju. U dalejšym u jaje budzie prava źviarnucca da prezidenta Rasii z prośbaj ab vyzvaleńni jaje ad adbyćcia astatniaj častki pakarańnia», — skazaŭ advakat.
Zapyt na pieradaču ŭ Rasiju padać moža abo sama Safija, abo jaje svajaki. «Dalej zapuskajecca dastatkova praciahłaja pracedura pa jaje pieravodzie. Ale dla pačatku na heta pavinien pahadzicca biełaruski bok. Alaksandr Łukašenka zajaŭlaŭ, što jon nie suprać hetaha, tamu budziem spadziavacca, što jaje adpraviać u Rasiju. Zapyt my padadzim u najbližejšy čas. Ale pracedura razhladu vielmi doŭhaja», — rastłumačyŭ Hašynski.
Čytajcie taksama:
Safii Sapiezie admovili ŭ pamiłavańni
Baćka Sofji Sapiehi pahasiŭ štraf pa prysudzie dački. Ciapier jaje mohuć ekstradavać u Rasiju
