Minabarony Rasii zajaviła pra «źniščeńnie internataŭ z 800 ukrainskimi vajskoŭcami». Žurnalisty byli šakavanyja, prybyŭšy na miesca
Rasijskija rakiety navat nie patrapili pa budynkach, varonki ŭ ziamli davoli daloka ad ich. Heta paćvierdzili nie tolki słovami, ale i zdymkami adrazu try zamiežnyja žurnalisty, jakija pryjechali ŭ Kramatorsk na toje miesca, dzie, pavodle rasijskich prapahandystaŭ, rasijanam udałosia źniščyć sotni ŭkrainskich vajskoŭcaŭ, piša «Ukrainskaja praŭda».
Varonka kala internata ŭ Kramatorsku. Fota z tvitara Anci Kuroniena
Reparciory ahienctva Reuters naviedali dva internaty kaledža, u jakich, pa śćviardžeńni rasijskaha Ministerstva abarony, žyli ŭkrainskija vajskoŭcy padčas načnoha rasijskaha ŭdaru pa miescach nibyta raźmiaščeńnia vajskoŭcaŭ USU.
U abodva internaty rakiety niepasredna nie patrapili, budynki nie mieli surjoznych paškodžańniaŭ. Nie było taksama prykmiet taho, što tam žyli vajskoŭcy, a taksama nijakich prykmiet ciełaŭ abo śladoŭ kryvi.
Budynak, nazvany Ministerstvam abarony Rasii internatam №28, byŭ całkam niepaškodžany. Varonka ad vybuchu ŭtvaryłasia prykładna za 50 mietraŭ ad jaho. Śviedka raspavioŭ Reuters, što rasijski rakietny ŭdar pa Kramatorsku nanios škodu, ale nie razburyŭ budynkaŭ, i nie było vidavočnych prykmiet achviar.
Finski žurnalist vydańnia Yle Anci Kuronien ź miesca padziej taksama nie paćviardžaje rasijskuju viersiju. «Ja znachodžusia tam, i dla mianie trochi dziŭna, što budynak navat nie apiačatany. Siońnia ranicaj miascovyja žychary taksama nie bačyli tut nivodnaj karety chutkaj dapamohi. Učora ŭviečary ja čuŭ vybuchi, kali hetaja cel taksama była paražonaja. Vialikaja varonka (mahčyma, ad S-300) pierad škołaj. Pramoha traplańnia nie było. Siońnia ranicaj na miesca vyjazdžali vajskoŭcy, jakija paviedamili, što škoła pustaja», — napisaŭ jon.
Venäjä väittää, että se tappoi satoja ukrainalaisia sotilaita ohjusiskussa tähän kouluun Kramatorskissa. Olen paikalla ja vähän outoa, että rakennusta ei ole edes eristetty. Paikalliset eivät myöskään nähneet ambulansseja täällä aamulla. 1/3 pic.twitter.com/YHGxVy1ca6
Pavodle źviestak žurnalista, jašče adna rakieta ŭpała nasuprać starych haražoŭ. «Pavinien skazać, što na hetym etapie ja bolš daviaraju ŭłasnym nazirańniam i zajavam ukrainskaha boku, čym zajavam rasijskaha Ministerstva abarony pra bolš za 600 zahinułych ukrainskich vajskoŭcaŭ», — padsumavaŭ jon.
Italjanski žurnalist La Repubblica Daniel Reniery taksama pravieryŭ miescy ŭ Kramatorsku, pa jakich nibyta ŭdaryli rasijanie. «Ja praviaraju pieršaje miesca, internat 28: rakieta nie trapiła ŭ cel, zrabiła vialikuju dzirku ŭ miakkaj ziamli i nie začapiła budynki vakoł… Pravierka druhoha miesca, internat 47: ruskaja rakieta znoŭ nie trapiła ŭ cel. Pierad budynkam vialikaja varonka, na miescy pusta», — napisaŭ jon.
Italian journalist in Kramatorsk here. Russia allegedly killed 600 Ukrainian soldiers “in dormitories 28 and 47”. I'm checking the first place, dormitory 28: the missile missed the target, made a big hole in the soft terrain and didn't touch the buildings around /1 pic.twitter.com/um9Oh0CzlA
Raniej pradstaŭnik Uschodniaj hrupoŭki vojskaŭ USU Siarhiej Čaravaty abvierh zajavu rasijskaha Minabarony pra toje, što rakietny ŭdar pa Kramatorsku ŭ noč na 8 studzienia nibyta byŭ pomstaj za ŭdar Siłaŭ abarony pa Makiejeŭcy ŭ navahodniuju noč. Rasijanie śćviardžali, što ŭ internacie №28 znachodzilisia nibyta bolš za 700 ukrainskich vajskoŭcaŭ, a ŭ internacie №47 — bolš za 600. U vyniku «masiravanaha rakietnaha ŭdaru» pa hetych abjektach jak byccam byli zabityja bolš za 600 ukrainskich vajskoŭcaŭ.
V obŝahie dažie stiekła ciełyje (s) ŁAhttps://t.co/lzdZCYQMDf#Kramatorskpic.twitter.com/aMHsEEeyeK
V obŝahie dažie stiekła ciełyje (s) ŁAhttps://t.co/lzdZCYQMDf#Kramatorskpic.twitter.com/aMHsEEeyeK