Sa školnych bufietaŭ prybiaruć šakaład i marmieład
Dyrektarka Kambinata školnaha charčavańnia Nadzieja Łukaševič raskazała, jakija novyja padychody buduć prymianiacca ŭ 2023 hodzie da farmiravańnia asartymientu školnych stałovych i bufietaŭ u ekśpierymientalnych ustanovach, paviedamlajuć «Minsk-Naviny».
«My abmiežavali kolkaść tavaraŭ pramysłovaj vytvorčaści. Akramia taho, usio, što vybiraje vučań u bufiecie, ciapier pavinna mieć nadpis «dla dziciačaha» abo «dla školnaha» charčavańnia», — raspaviała čynoŭnica.
Taksama ŭ bufiecie paśla novaha hoda źjavilisia piečyva i sałomka z panižanym utrymańniem cukru. Zatoje ŭ ich bolš kalcyju i vitaminaŭ. Recepturu hetych praduktaŭ raspracoŭvali sumiesna z Akademijaj navuk.
Jašče dzieciam ciapier u škołach, jakija ŭdzielničajuć u ekśpierymiencie, prapanujuć vypiečku ŭłasnaj vytvorčaści na śmietankovym maśle, ź mienšaj kolkaściu cukru. Bolš školnikam buduć prapanoŭvać johurtaŭ, tvaražkoŭ, małočnych kaktejlaŭ, fruktovych piure i sokaŭ. U asartymiencie buduć kukuruznyja pałački, chlabcy, fruktova-jahadnyja cukierki.
A voś šakaład, ziefir i marmieład pakul z asartymientu školnych bufietaŭ prybrali.
Čytajcie taksama:
U škołach zapuskajuć ekśpierymient pa charčavańni
U Hrodnie i Viciebsku vučniam u škołach arhanizujuć «šviedski stoł»
Hałoŭčanku nie padabajecca školnaje charčavańnie: «zaviedama niasmačnyja, adnastajnyja, nieestetyčna aformlenyja stravy»
