Maładoha kardyjołaha asudzili na dva z pałovaj hady «chimii» za pratesty 2020 hoda
U Kastryčnickim sudzie Hrodna 4 studzienia asudzili Antona Navumava pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Sudździa Marharyta Łancevič asudziła Antona na dva z pałovaj hady abmiežavańnia voli z nakiravańniem u papraŭčuju ŭstanovu adkrytaha typu («chimija»).
Jak paviedamlaje «Haradzienskaja pravaabarona», Antona zatrymali 27 kastryčnika 2022 hoda ŭ Hrodnie. Pra heta stała viadoma z praŭładnych telehram-kanałaŭ.
Mužčynu pastavili ŭ vinu ŭdzieł u pratestach u 2020 hodzie.
U 2020 hodzie Anton Navumaŭ byŭ studentam Hrodzienskaha dziaržaŭnaha miedycynskaha ŭniviersiteta. Na momant zatrymańnia pracavaŭ doktaram u kardyjałahičnym adździaleńni Respublikanskaha navukova-praktyčnaha centra i žyŭ u Minsku.
