Rasija dazvoliła vyvozić svaje piłamateryjały praź Biełaruś
Rasijski ŭrad dazvoliŭ z kanca studzienia 2023 hoda vyvozić piłamateryjały, špały, biarvieńnie i hruba apracavanuju draŭninu praź Biełaruś i Kazachstan. Dla hetaha vyznačanyja čatyry punkty propusku. Raniej jon sam nakładaŭ na heta abmiežavańni, piša Office Life.
Fota: Wikimedia Commons
Na miažy ź Biełaruśsiu pravoz draŭniny aŭtatranspartam budzie mahčymy praz punkt propusku «Krasnaja Horka». Kančatkovaj krainaj atrymańnia lesamateryjałaŭ mohuć być jak dziaržavy JEAES, tak i trecija krainy. Pry hetym dziejańnie adpaviednaj pastanovy Kabinieta ministraŭ Rasii nie raspaŭsiudžvajecca na pravoz lesamateryjałaŭ u Kalininhradskuju vobłaść i Armieniju.
Raniej paviedamlałasia, što ŭ listapadzie 2022 hoda rasijski ŭrad abmiežavaŭ ekspart lesamateryjałaŭ čyhunačnym transpartam. Pry hetym dazvalaŭsia vyvaz lesapradukcyi tolki ŭ Kazachstan, Kyrhyzstan i Biełaruś.
U vyniku hetaj miery paciarpieli sami rasijskija lesapramysłoŭcy, bo nie zmahli vyvieźci svaju pradukcyju ŭ dastatkovaj kolkaści na ekspart.
