SBU vystaviła pieršyja abvinavačvańni ŭ źniščeńni cyvilnych abjektaŭ Ukrainy. Abvinavačanyja — hienierał-pałkoŭnik i admirał armii Rasii
Słužba biaśpieki Ukrainy vystaviła pieršyja abvinavačvańni za abstreły hramadzianskich abjektaŭ Ukrainy dvum vysokapastaŭlenym rasijskim vajskoŭcam — kamandujučamu dalokaj avijacyjaj VKS RF hienierał-pałkoŭniku Siarhieju Kabyłašu i eks-kamandujučamu Čarnamorskim fłotam RF admirału Iharu Osipavu.
Siarhiej Kabyłaš (źleva) i Ihar Osipaŭ
Jany abvinavačvajucca pa artykule ab padrychtoŭcy i viadzieńni ahresiŭnaj vajny, a taksama pa artykule ab zamachu na terytaryjalnuju cełasnaść Ukrainy.
Pavodle viersii SBU, hienierał Kabyłaš kamanduje masiravanymi rakietnymi ŭdarami pa abjektach krytyčnaj infrastruktury Ukrainy, a admirał Osipaŭ da 10 žniŭnia addavaŭ zahady ab naniasieńni rakietnych udaraŭ pa ŭkrainskaj terytoryi z akvatoryi Čornaha mora.
Heta pieršyja abvinavačvańni, źviazanyja niepasredna z abstrełami cyvilnych abjektaŭ.
