Zatrymanaja i žonka viadomaha repietytara Jaŭhiena Livianta
U Minsku zatrymali žonku viadomaha repietytara Jaŭhiena Livianta, paviedamlaje «Lusterka».
Julija Liviant
U aŭtorak, 27 śniežnia, u Minsku zatrymali viadomaha repietytara Jaŭhiena Livianta. U aŭtorak, 3 studzienia, adzin z praŭładnych telehram-kanałaŭ paviedamiŭ pra zatrymańnie dački i ziacia piedahoha. Paśla hetaha ŭ redakcyju napisaŭ čytač. Pavodle jaho źviestak, Julija — žonka Jaŭhiena Barysaviča — taksama nie na voli.
Hetuju infarmacyju paćvierdziŭ znajomy Jaŭhiena Livianta. Pa jaho słovach, repietytara, jaho žonku, dačku i ziacia zatrymali ŭ adzin dzień.
— Ciapier jany znachodziacca na Akreścina, — raspavioŭ znajomy piedahoha.
Nakolki viadoma znajomamu, pieršapačatkova piedahoh i členy jaho siamji byli zatrymanyja pa «administracyjcy».
— Ale vy razumiejecie, što tam mianiajecca ŭsio ad hadziny da hadziny, — udakładniŭ surazmoŭca.
Pa infarmacyi sajta spiski.live, dačku Jaŭhiena Livianta sudzili 30 śniežnia. Pa jakim artykule i na jaki termin, nie paznačana.
