Minabarony Ukrainy: U Biełarusi try bataljony adpravili da ŭkrainskaj miažy. Rasijanie ładziać «karusieli», kab trymać Ukrainu ŭ napružańni
Motastrałkovy bataljon i dva tankavyja bataljony atrymali zadańnie vyłučycca ŭ rajony, jakija miažujuć z Ukrainaj. Pra heta paviedamiŭ kamandujučy Abjadnanymi siłami USU hienierał-lejtenant Siarhiej Najeŭ.
Ilustracyjny zdymak. Fota: BiełTA
Najeŭ ličyć, što padčas vizitu prezidenta RF Uładzimira Pucina ŭ Biełaruś razmova išła ab pryciahnieńni Uzbrojenych Sił Biełarusi da vajny suprać Ukrainy, u pryvatnaści, na sušy.
U toj ža čas načalnik Hałoŭnaha ŭpraŭleńnia raźviedki Kiryła Budanaŭ u intervju The New York Times skazaŭ, što nijakija raźvieddanyja nie ŭkazvajuć na niepasrednuju pahrozu z boku Biełarusi, piša «UP».
Pavodle jaho słoŭ, rasijskija vojski nie vystrajeny ŭ šturmavyja złučeńni. Navučalnyja łahiery dla rasijskich sałdat zapoŭnienyja niadaŭna mabilizavanymi hramadzianskimi asobami, jakija paśla prachodžańnia navučańnia adpraŭlajucca vajavać na Danbas na ŭschodzie Ukrainy. U toj ža čas na navučalnych palihonach nie chapaje braniatechniki ŭ spraŭnym stanie dla praviadzieńnia ataki.
Rasijskija vajskoŭcy sprabujuć padniać tryvohu va ŭkrainskim vojsku, sadziačy sałdat na ciahniki, jakija ruchajucca ŭ bok miažy Biełarusi z Ukrainaj. Pavodle jaho, Saviecki Sajuz vykarystoŭvaŭ takuju taktyku padčas Druhoj suśvietnaj vajny, adpraŭlajučy sałdat u bieskarysnyja pajezdki na ciahnikach dla imitacyi napadu abo adstupleńnia.
U Biełarusi adzin ciahnik z rasijskimi sałdatami niadaŭna spyniŭsia la miažy z Ukrainaj, a zatym viarnuŭsia nazad z usimi sałdatami, raskazaŭ Budanaŭ, nazvaŭšy takuju taktyku imitacyi «karusiellu».
Na hety momant rasijskija vajskovyja padraździaleńni nie majuć hrupovak dla napadu i sfarmavać ich za adzin dzień prosta niemahčyma, adznačyŭ Budanaŭ.
