Biełaruskaja płyŭčycha trenirujecca ŭ Paŭdniovaj Afrycy
Biełaruskaja płyŭčycha Nastaśsia Škurdaj u intervju paśla pieramožnaha zapłyvu na 200 m kompleksnym płavańniem na Kubku Salnikava raskazała, što na hety momant trenirujecca ŭ PAR. Raniej biełaruska vystupała pad kiraŭnictvam Volhi Jasianovič, jakaja pierajechała ŭ ZŠA, piša Tribuna.com.
Fota: BiełTA
«Kala paŭhoda tamu ja pamianiała treniera, pierajšła da Mikity Valerjeviča Łuhaŭkina (nastaŭnik z Sankt-Pieciarburha, trenier trochrazovaha miedalista ČS Andreja Minakova) i jaho žonki Aleny Anatoljeŭny. My ciapier trenirujemsia ŭ Kiejptaŭnie, heta Paŭdniovaja Afryka. Pierad hetym paśpieła miesiac patreniravacca ŭ Piciery, pahladzieła bazu, usio vielmi spadabałasia, ale pryniali rašeńnie pravodzić trenirovačnyja zbory i žyć u inšaj krainie.
U PAR płavajuć dastojnyja spartsmieny, spryjalny klimat dla trenirovak i adnaŭleńnia, vysoki ŭzrovień žyćcia, dobraja ježa, akijan pobač. Ja vielmi rada, mianie ŭsio zadavalniaje.
Mnie vielmi kamfortna. Ja ŭdziačnaja, što mianie pryniali ŭ kamandu i my praciahvajem udaskanalvać maje vyniki», — skazała Škurdaj.
