Čatyroch biełarusaŭ z polskimi humanitarnymi vizami vysłali z Hiermanii
Niamieckaja palicyja na hetym tydni pieradała polskim pamiežnikam čatyroch biełarusaŭ, jakija zajechali na terytoryju ES pa polskich humanitarnych vizach, ale ŭ Polščy nie zatrymalisia i pajechali dalej na zachad, paviedamlaje polskaja Pamiežnaja słužba.
Polska-niamieckaja miaža
Adzin z hetych ludziej pryjechaŭ z humanitarnaj vizaj u Polšču i praktyčna adrazu pajechaŭ u Hiermaniju dy paprasiŭ tam prytułak. Ale pakolki viza była polskaja, to niemcy ŭ Polšču jaho i adpravili, dzie jaho taksama paprasili pakinuć krainu.
Inšyja dva biełarusy, 54 i 55 hadoŭ, taksama pryjechali ŭ Polšču na padstavie humanitarnaj vizy, pierabralisia ŭ Hiermaniju i tam padali zajaŭki na atrymańnie mižnarodnaj abarony. Ale kali niamieckija ŭłady viarnuli ich u Polšču, to biełaruskija hramadzianie sami pajechali ŭ Biełaruś, choć polskaja viza dazvalała im zastacca.
