«Išoŭ na heta śviadoma»: za abrazu Łukašenki i źniavahu dziaržsimvałaŭ pakarali žychara Baranavič
Sud Baranavičskaha rajona i horada Baranavičy pad staršynstvom sudździ Iny Paŭłoŭskaj razhledzieŭ 7 śniežnia kryminalnuju spravu 50-hadovaha Vitala Korsaka.
Jaho abvinavacili ŭ abrazie Łukašenki (č. 1 art. 368) i ździeku ź dziaržaŭnych simvałaŭ (art. 370), paviedamlaje «Viasna».
U chodzie sudovaha śledstva ŭstanoŭlena, što Korsak u studzieni 2022 hoda ŭ sacyjalnaj sietcy «Adnakłaśniki» na svajoj piersanalnaj staroncy ŭ adkrytym dostupie raźmiaściŭ fotavyjavu Alaksandra Łukašenki z abrazami, a taksama apublikavaŭ vyjavu nacysckaj simvoliki ŭ kolerach dziaržaŭnaha ściaha Respubliki Biełaruś.
Na sudovym pasiadžeńni mužčyna rastłumačyŭ, što razumieŭ značeńnie raźmieščanaha malunka i išoŭ na heta śviadoma.
Sud pastanaviŭ pa sukupnaści złačynstvaŭ pryznačyć kančatkovaje pakarańnie ŭ vyhladzie pazbaŭleńnia voli na termin dva hady z adbyvańniem u papraŭčaj kałonii va ŭmovach strohaha režymu.