Taksama pienalci! Arhiencina prabiłasia ŭ paŭfinał
Zbornaja Arhienciny pieramahła ŭ dramatyčnym matčy pa pienalci Niderłandy i vyjšła ŭ paŭfinał čempijanatu śvietu.
Lea Miesi i Leandra Paredes. Fota: Ricardo Mazalan / AP
Pryčym arhiencincy viali ŭ liku 2:0. Na 35-j chvilinie zabiŭ Malina ź pieradačy Miesi. A ŭ siaredzinie druhoha tajma sam Miesi ź pienalci.
Ale na 83-j Viehchorst, jaki vyjšaŭ na pole za čatyry chviliny da hetaha, lik skaraciŭ, a potym na 11-j dadadzienaj chvilinie zhulaŭ na dabivańni paśla štrafnoha — 2:2.
Dadatkovy čas hałoŭ nie prynios, a pienalci lepš prabili arhiencincy 4:3. Dvojčy vyručaŭ bramnik Marcinies, jaki adbiŭ udary van Dejka i Bierhiejsa.
U paŭfinale Arhiencina ŭ aŭtorak zhulaje z Charvatyjaj, što siońnia taksama pieramahła pa pienalci Braziliju.
U subotu ŭ 1/4 finału zhulajuć Partuhalija — Maroka (18:00) i Anhlija — Francyja (22:00).
