Kala minskaha Pałaca sportu pastavili rycarskaje miastečka i atrakcyjony
Napiaredadni kaladnych i navahodnich śviataŭ sajt Blizko.by pahladzieŭ, što źjaviłasia kala minskaha Pałaca sportu i jakija mierapryjemstvy tam płanujuć pravodzić.
Kala Pałaca sportu rabočyja ŭžo pastavili kanstrukcyi-domiki, pryznačanyja dla «kaladnaha kirmašu», jaki pačnie pracu 17 śniežnia i budzie praciahvacca ažno da 15 studzienia. Adkryćcio kirmašu budzie supravadžacca kancertnaj prahramaj, jakuju pradstavić DK MAZ.
30 draŭlanych štole buduć prapanoŭvać aryhinalnyja stravy armianskaj, uźbiekskaj, karejskaj, dahiestanskaj i biełaruskaj kuchniaŭ, a taksama napoi, navahodnija ŭpryhožańni, jalinki, suvieniry i padarunki ź simvałam novaha hoda — čornym vadzianym trusam.
Kankurencyju štole składuć niekalki fud-trakaŭ, jakija taksama raźmieściacca ŭzdoŭž praśpiekta Pieramožcaŭ.
U budnyja dni ŭsich achvotnych buduć čakać z 14:00 da 22:00, u vychadnyja dni z 12:00 da 23:00, a ŭ navahodniuju noč kirmaš budzie adkryty z 12:00 i da 4:00 ranicy.
Prachodziačy krychu dalej, nielha nie zaŭvažyć vialikaje rycarskaje miastečka. Niahledziačy na toje, što jano dvuchjarusnaje, leśvicy dla ŭzychodžańnia navierch čamuści nie praduhledžana.
Načalnik adździeła dyzajnu «Minskrekłamy» Taćciana Buharkova paviedamiła ahienctvu «Minsk-Naviny», što ŭsiaredzinie rycarskaha miastečka buduć pravodzić śviatočnyja mierapryjemstvy.
Taksama, pavodle jaje, na śviaty ŭ horadzie źjavicca vialikaja kolkaść novych fotazon. Naprykład, la cyrka heta budzie malaŭničy paravozik, jaki pryviazie jalinku, upryhožanuju dyzajnierskimi cackami.
Taksama pobač ź instalacyjaj bačnyja zasypanyja śnieham atrakcyjony.
Kali na pieršym dzieci zmohuć katacca na koniach i adnarohach, to druhi atrakcyjon pakul što nakryty koŭdrami i što ŭ im budzie — razabracca ciapier niemahčyma.
Čytajcie taksama:
U minskim Rakaŭskim pradmieści adkryjuć navahodni kirmaš z Čaburaškam i «Jerałašam»
Praz dva tydni na Dziciačaj čyhuncy zapuściać «Navahodni ekspres»
Dzie ŭ Minsku možna budzie sustreć Novy hod
Staražytny kaladny Minsk pabudavali ŭ handlova-zabaŭlalnym centry FOTY
