Nuncyj Jozič: Niahledziačy na ciažkaści, adnosiny Biełarusi i Vatykana praciahvajuć raźvivacca
Niahledziačy na ŭsie ciažkaści, adnosiny Biełarusi i Vatykana pradaŭžajuć raźvivacca. Takim mierkavańniem pierad cyrymonijaj pierapachavańnia moščaŭ manacha Fabijana Mališoŭskaha ŭ Stoŭbcach z žurnalistami padzialiŭsia apostalski nuncyj archibiskup Ante Jozič, pieradaje BiełTA.
Fota: Catholic.by
«Siońniašniaja sustreča sa staršynioj Minabłvykankama Alaksandram Turčynym i mierapryjemstva, jakoje prajšło ŭ kaściole, vielmi važnyja. Astanki Fabijana Mališoŭskaha byli znojdzieny, choć heta i niaprostaja rabota, i ciapier viartajucca carkvie. Z hetaha dnia budzie pačynacca kult słuhi Božaha ajca Fabijana Mališoŭskaha», — skazaŭ Ante Jozič.
Što datyčycca sustrečy z Alaksandram Turčynym, adznačyŭ Ante Jozič, abmiarkoŭvałasia niekalki važnych pytańniaŭ. U pryvatnaści, razmova išła ab raźvićci katalickaj jeparchii. Apostalski nuncyj raskazaŭ ab dobrych adnosinach jak ź miascovymi ŭładami Minskaj vobłaści, tak i ź biełaruskaj dziaržavaj.
«U hetym hodzie my śviatkavali 30-hodździe dypłamatyčnych adnosin pamiž Vatykanam i Biełaruśsiu. Niahledziačy na ŭsie ciažkaści, našy adnosiny składvajucca, raźvivajucca i buduć pradaŭžacca. Vatykan sa svajho boku budzie rabić usio mahčymaje nie tolki dla raźvićcia našaj carkvy, ale i ŭsiaho hramadstva», — zajaviŭ Ante Jozič.
U kaściole śviatoha Kazimira ŭ Stoŭbcach adbyłasia cyrymonija pierapachavańnia moščaŭ Fabijana Mališoŭskaha. U joj pryniali ŭdzieł Alaksandr Turčyn i apostalski nuncyj archibiskup Ante Jozič. U staŭbcoŭskim katalickim chramie prajšła imša, paśla jakoj astanki Fabijana Mališoŭskaha adpravili ŭ sarkafah i pieranieśli ŭ nišu pierad vychadam z kaścioła.
