Łukašenka raskazaŭ, ci zadavalniaje jaho cana na haz
Alaksandr Łukašenka ŭ intervju žurnalistam na palach samitu JEAES u Biškieku raspavioŭ, što hałoŭnaje ŭ canie na rasijski haz i ci zadavalniaje jana Biełaruś, piša BiełTA.
«Pytańnie nie ŭ tym, jakija ceny ŭ nas. Pytańnie, kali ŭžo my pajšli na hłybokuju kaapieracyju z Rasijaj (jakraz pryčyna hetamu i šalenstva ŭ śviecie, i vojny, i pandemija, i inšaje), u tym, kab pry našaj ciesnaj intehracyi dla subjektaŭ haspadarańnia byli roŭnyja mahčymaści», — zajaviŭ jon.
Jon pryvioŭ prykład ź ciapličnaj haspadarkaj, dzie vielmi vialikaja ŭdzielnaja vaha enierharesursaŭ u košcie pradukcyi: «Kali vy atrymlivajecie pa 60 abo 80 dalaraŭ, a my na miažy atrymlivajem 120 dalaraŭ, da prykładu haz, nu jakija tut roŭnyja ŭmovy. Ja nie zmahu svoj tavar pradać u vas na rynku. A kali i mahu, to mnie treba zrezać zarpłaty i inšaje — inšaje, kab kankuryravać u canie».
U hetym hodzie Biełaruś atrymlivała haz pa 128 dalaraŭ za 1000 kubamietraŭ.