Na rasijskim aŭtarynku zastalisia tolki rasijskija i kitajskija mašyny
Tolki 14 brendaŭ z 60-ci zastalisia na rasijskim aŭtamabilnym rynku da kanca 2022 hoda, try ź ich rasijskija, a astatnija — kitajskija, vynikaje ź lista asacyjacyi «Rasijskija aŭtamabilnyja dylery» u adras dyleraŭ kitajskich brendaŭ, piša RIA Naviny.
«Na siońniašni dzień na našym aŭtarynku novych aŭtamabilaŭ zastałosia pracavać z 60-ci brendaŭ (na pačatak 2022 hoda) tolki 14. Ź ich try brendy — rasijskija: Lada, HAZ, UAZ. Astatnija — kitajskija: Chery, Geely, Haval, Jac, Faw, Dongfeng, Changan, Exeed, Gac, Foton, Omoda», — padkreślili ŭ asacyjacyi.
«Z punktu hledžańnia nacyjanalnaha miksu (kolkaści nacyjanalnych brendaŭ, jakija pracujuć na našym rynku) rasijski aŭtarynak užo kitajski na 78 pracentaŭ», — udakładniajecca ŭ liście.
Na hety momant amal usie jeŭrapiejskija, amierykanskija i karejskija brendy prypynili pastaŭki aŭtamabilaŭ u Rasiju. Minpramhandal, u svaju čarhu, unios ich u pieralik paralelnaha impartu. U jaho, u pryvatnaści, uvajšli Volkswagen, Skoda, Toyota, Lexus, Nissan, BMW, Mercedes-Benz, Porsche, Lamborghini, Infiniti, Rolls-Royce, Jaguar, Land Rover, Ford, General Motors, Bugatti, Bentley, Jeep, Chrysler, Cadillac, Chevrolet, Dodge, Ferrari, Aston Martin.
Paralelny impart palapšaje situacyju na rasijskim aŭtarynku, ale całkam vyrašyć jaje nie moža. U 2023 hodzie deficyt prapanovy zachavajecca, ciapier jon najbolš prykmietny ŭ siehmiencie siedanaŭ.
