Znajści
Ałharytmičny łacinski varyjant
09.12.2022 / 10:2015RusŁacBieł

«Budu stavić adznaki tolki za ruskija adkazy». Biełaruskamoŭnyja školniki dzielacca ŭ tyktoku vypadkami dyskryminacyi na ŭrokach

Padletki pišuć, jak im źnižajuć adznaki za biełaruskija słovy ŭ kantrolnych abo prosta nie praviarajuć takija pracy.

Fota: AP Photo / Michal Dyjuk

U adnym z rolikaŭ dziaŭčyna-padletak z rajcentra dzielicca frahmientam razmovy sa školnym vykładčykam. Jana kaža nastaŭnicy, što taja nie moža zabaranić joj adkazvać pa-biełarusku, bo ŭ krainie dźvie dziaržaŭnyja movy. A ŭ adkaz čuje:

«U nas ruskamoŭnaja adukacyja, tamu ja nie budu bolš stavić adznaki za biełaruskija adkazy, tolki za ruskija».

U kamientarach dzieci pišuć, što nie tolki jana sutyknułasia ź niepryniaćciem rodnaj movy na ŭrokach.

«Mnie zabaranili vieści dziońnik pa-biełarusku. A niekatoryja nastaŭniki kažuć: «Kali ty budzieš užyvać biełaruskuju, ja tabie dam kartki pa teoryi», — dzielicca školnik. Jon dadaje, što tak siabie prajaŭlajuć nie ŭsie nastaŭniki, ale ž siarod apanientaŭ biełaruskamoŭnaści jość zavuč.

Inšaja dziaŭčyna raskazała, što joj dazvalajuć vieści pa-biełarusku sšytki, kanśpiekty i dziońnik, ale ž zabaraniajuć adkazvać, a łabaratornuju rabotu, napisanuju pa-biełarusku, prosta nie stali praviarać.

Navat naviedvańnie biełaruskamoŭnaj škoły nie vyratoŭvaje ad vypadkaŭ dyskryminacyi. Tak, adzin sa školnikaŭ raskazaŭ, jak nastaŭniki złujucca na prajavy biełaruskamoŭnaści, a inšaja dziaŭčyna padzialiłasia tym, što vučni jaje biełaruskamoŭnaj škoły vymušanyja karystacca padčas alimpijad ruskamoŭnymi zadańniami.

A voś tak u roliku apisvaje svaje pryhody jašče adzin padletak:

«Zdahadajciesia, kamu siońnia zrabili zaŭvahu z-za adnaho biełaruskaha słova ŭ samastojnaj rabocie… Mnie jašče zabaranili pisać na joj, bo buduć źnižać adznaku». Zamiest słova «otviet» školnik napisaŭ «adkaz».

U kamientarach aŭtar rolika ŭdakładniaje, što praz hety vypadak jaho ciapier kličuć «banderaŭcam», što vyklikała ździŭleńnie va ŭkrainskich kamientataraŭ, jakija nie razumiejuć takoha staŭleńnia da dziaržaŭnaj movy ŭ Biełarusi.

«Zaŭtra pajdu dakazvać kłasnaj, što ŭ dziońniku napisana: zapaŭniać dziońnik na adnoj ź dziaržaŭnych moŭ. I voś što jana mnie zrobić?» — hatovy da vyklikaŭ inšy padletak.

Adznačym, što chapaje i školnikaŭ, jakija dzielacca ŭ tyktoku, što spakojna razmaŭlajuć pa-biełarusku na ŭrokach i nie majuć z hetym prablem.

«Naša Niva» — bastyjon biełaruščyny

PADTRYMAĆ

Jak pieravieści sacsietki i miesiendžary na biełaruskuju movu

«U nas movu adabrali, dyk chaj choć dzieci zmohuć na joj razmaŭlać». Jak adbyvałasia biełarusizacyja 1990-ch

«Pryjšoŭ čas uspaminać svajo». Biełarusy — pra toje, jak vajna padšturchnuła ich razmaŭlać pa‑biełarusku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
6
Ха-ха
2
Ого
3
Сумна
5
Абуральна
83
0
Hryška /adkazać/
09.12.2022
Słava Bohu! Słava hetym školnikam! Jany hodnyja syny j dočki Biełarusi. Šanujuć rodnuju biełaruskuju movu. Majem biełaruskuju samapavahu. Niachaj vyjhrajuć!
0
Stary Olsa/adkazać/
10.12.2022
Razumiejučy hetyja žachi, tak pryjemna viedać, što padletki pierachodziać na biełaruskuju jašče ŭ škole! Nareście čuvać hołas biełaruskamoŭnaje školnaje moładzi. U svaje hady, na žal, nie zaścihła takoha, była adzinokaj u svajoj prazie da biełaruščyny. Hetyja dzieci - fundament biełaruskaje nacyi, ščyraja maja vam pavaha!
3
2345342/adkazać/
10.12.2022
tak v Lebied́kinoj novoj konstitucii russkij ostajetsia hosudarstviennym https://kanstytucyja.online/index.php/new-constitution.html staťja 7

tak čto vsie v poriadkie, tichanovskaja vas spasiet
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930