Hadzińnik vydaŭ Pucina
Navat pravieranych rasijskich pravaabaroncaŭ nie puścili ŭ žyvy efir padčas sustrečy Rady pa pravach čałavieka (RPČ) z Pucinym. Toje, što hutarka išła ŭ zapisie, vidać pa hadzińniku na ruce prezidenta RF, zaŭvažyŭ kanał «Možiem objaśniť».
U 18:25 na hadzińniku Pucina, jaki trapiŭ u kadr, možna było razhladzieć strełki, jakija pakazvajuć 18:05, a ŭ 18:33 — užo na 20 chvilin mienš.
Mahčyma, pres-słužba bajałasia, što hutarka navat z samymi pasłuchmianymi členami RPČ pojdzie nie pa płanie i chto-niebudź ź ich zadaść niaŭzhodnienaje pytańnie.
Choć takaja mahčymaść była źviedziena da minimumu jašče ŭ listapadzie, kali Pucin vyklučyŭ z Rady svaim ukazam niekalkich čałaviek, nie łajalnych da Kramla ci nie da kanca padkantrolnych.
Vyklučanyja i niedapuščanyja da sustrečy z Pucinym Kaciaryna Vinakurava i Ihar Kalapin skazali «MO», što sapraŭdy chacieli padniać vostryja temy, u pryvatnaści, ab fašyzacyi krainy i raspavieści ab katavańniach u turmach, ale takoj mahčymaści im nie dali.
«Pravaabaronu kastryravali. Instrumientaŭ, jakija praduhledžvali niejkaje supracoŭnictva z uładaj, nie zastałosia», — skazaŭ vyklučany z RPČ u listapadzie pravaabaronca Ihar Kalapin.
