U druhoj pavodle pamieru IT-kampanii Biełarusi — vialikija pieramieny. Što viadoma?
iTechArt — druhaja ŭ Biełarusi pavodle pamieru štatu paśla EPAM — rychtujecca da rebrendynhu, u tym liku da źmieny nazvy. Pra heta dev.by paviedamili supracoŭniki kampanii.
Rabotniki iTechArt atrymali list, u jakim paviedamlajecca pra rebrendynh (skrynšoty lista jość u rasparadžeńni redakcyi). U liście napisana, što ŭsim supracoŭnikam raskažuć padrabiaznaści ŭ studzieni 2023 hoda, a publičny pres-reliz maje źjavicca ŭ lutym.
Viadoma, što ŭ iTechArt źjavicca novaja nazva (krynicy dev.by nie zmahli skazać, jakaja mienavita).
Nad rebrendynham pracuje dyzajnierskaja studyja Pentagram. U partfolia studyi — pracy z Yahoo, Slack, MasterCard, Rolls-Royce, Jack Daniels dy inšymi viadomymi brendami.
Nieviadoma, ci padpaduć pad rebrendynh usie ofisy kampanii, uklučna z ofisami ŭ Biełarusi. Na praciahu 2022 hoda šerah mižnarodnych kampanij źmianiŭ nazvy svaich biełaruskich jurydyčnych asob (naprykład, IBA Group, Adani, Currency.com).
U pres-słužbie iTechArt ad kamientaroŭ admovilisia, spasłaŭšysia na kanfidencyjnaść infarmacyi.
