Niećviarozy hamialčuk vyrašyŭ pahreć nohi la Viečnaha ahniu i trapiŭ u balnicu
Niećviarozy žychar Homiela dniom 6 śniežnia trapiŭ u balnicu z mocnymi apiokami. Pra heta paviedamlaje MNS Biełarusi. Abstaviny niaščasnaha vypadku ź im byli niezvyčajnyja.
Fota ilustracyjnaje
U chodzie raźbiralnictva vyśvietliłasia, što 36-hadovy žychar Homiela kala 11-j hadziny dnia vyrašyŭ pahrecca. Jon padyšoŭ da Viečnaha ahniu miemaryjalnaha kompleksu «Kurhan Słavy» ŭ parku «Fiestyvalny» i pačaŭ hreć nohi, adnak usio pajšło nie pa płanie.
Mužčyna tak nieaściarožna pavodziŭ siabie z ahniom, što adzieńnie na im zaharełasia. I choć zmoh patušyć połymia samastojna, usio ž taki jamu spatrebiłasia dapamoha miedykaŭ.
Vidavočcy vyklikali chutkuju, a paśla 36-hadovaha homielca špitalizavali. Asnoŭnaj pryčynaj zdareńnia nazyvajuć nieaściarožnaje abychodžańnie z ahniom.