Prodaž novych lehkavych mašyn, što ŭvoziacca ŭ Biełaruś, upaŭ u 20 razoŭ
Biełaruskaja aŭtamabilnaja asacyjacyja paviedamiła, što abjom prodažu novych lehkavych aŭtamabilaŭ, jakija ŭvoziacca ŭ Biełaruś, za apošni miesiac pamienšaŭ na 40%, a ŭ hadavym vyražeńni — u 20 razoŭ.
U minułym miesiacy vidavočnym lidaram pa prodažy zastavałasia marka Geely ajčynnaj zborki, jakaja zajmaje ciapier bolš za 80% usiaho biełaruskaha aŭtarynku. Tolki dziakujučy prodažu hetaha brenda ŭ listapadzie kolkaść ździełak pavialičyłasia ŭ paraŭnańni z kastryčnikam. Usiaho ich było ździejśniena 626 — rekordny pakazčyk za ŭvieś hod.
Pa vynikach 11 miesiacaŭ lidaram na rynku zastajecca rasijski brend Lada (pradadziena 3 698 aŭtamabilaŭ), Geely krychu adstaje (3 197).
Što tyčycca prodažu astatnich brendaŭ, to jany «imknucca da nula», — kanstatavali ŭ BAA.
Raniej śpiecyjalisty acanili, što biełaruskimi dylerami budzie pradadziena pa vynikach 2022-ha bolš za 14 tysiač novych lehkavych aŭto. U minułym hodzie hetaja ličba pieravyšała 40 tysiač.
Čytajcie taksama:
U Biełarusi dylery Geely admaŭlajuć u prodažy rasijanam
«Maskvič» chutka vierniecca na darohi Biełarusi, ale heta budzie nie maskvič, a ańchojec
«Ceny źnizilisia, ale novych pastavak niama i nie čakajecca». Što adbyvajecca na rynku novych aŭto?
