U Manholii masavyja pratesty z-za kradziažu vuhalu
Ułady Manholii majuć namier razahnać natoŭp pratestoŭcaŭ u stalicy Ułan-Batar siłavymi mietadami, kali natoŭp nie razydziecca ciaham najbližejšych dźviuch hadzin, paviedvmlaje RBK.
Fota: news.mm
Pra heta paviedamiŭ stats-sakratar Ministerstva justycyi Sajnzaryh.
Pavodle źviestak vydańnia, pierad Pałacam urada va Ułan-Batary sabralisia niekalki tysiač čałaviek, padstavaj dla hetaha stała paviedamleńnie ab kradziažy vuhalu na $1,8 młrd.
Ranicaj 5 śniežnia kiraŭnik spraŭ urada Manholii D. Amarbajashałan i vice-premjer, ministr ekanomiki i raźvićcia Manholii Č. Churełbaatar praviali pres-kanfierencyju, na jakoj paviedamili, što ŭ krainie rasśledujucca kryminalnyja spravy ab kradziažy vuhalu ŭ AT «Erdenes Tavantałhoj», paviedamlaŭ partał navinaŭ DNN.mn.
«Usiaho rasśledujecca 10 kryminalnych spraŭ, źviazanych z vuhalem», — skazaŭ Č.Churełbaatar. Pavodle jaho słoŭ, kryminalnyja vytvorčaści datyčacca kantraktaŭ na pastaŭki vuhalu, u tym liku i pa čyhunkach. U dačynieńni da złačynstva padazrajuć 15 słužbovych asob.
Demanstranty pačali źbiracca na płoščy Suche-Batara (Čynhischana) pierad Pałacam urada ŭ znak pratestu suprać karupcyi i raskradańnia nietraŭ Manholii napiaredadni, 4 śniežnia, paviedamlaŭ News.mn.
«Majo patrabavańnie— raskryć imiony raskradalnikaŭ vuhalu», — cytavaŭ partał adnaho z pratestoŭcaŭ. Da viečara ŭdzielniki mitynhu razyšlisia, ale viarnulisia na hałoŭnuju płošču manholskaj stalicy 5 śniežnia. Pratestoŭcy pasprabavali prarvacca ŭ Dom urada. U vyniku ciskaniny, jakaja ŭźnikła na płoščy, čatyry čałavieki paciarpieli.
