Samazvał udaryŭ kuzavam u «šklany most» na MKADzie. Ci vytrymała zbudavańnie?
Zdareńnie adbyłosia ŭ subotu dniom. Tam samazvał udaryŭ pryŭźniatym kuzavam u tak zvany «šklany most».
Zabyŭsia jon na kuzaŭ, ci niešta pajšło nie pa płanie z techničnaha punktu hledžańnia, — nieviadoma. Ale ŭdar byŭ, dobra jašče, što samazvał nie paśpieŭ nabrać chutkaść pierad hetym. Zrešty, paškodžańni la mosta źjavilisia prykmietnyja.
Jak paviedamili Onliner u DAI Zavodskaha rajona, 3 śniežnia kala 15:30 kiroŭca 1961 hoda naradžeńnia, kirujučy aŭtamabilem MAZ, ruchaŭsia pa vulicy Karvata z boku vulicy Vaŭpšasava ŭ napramku MKADa. Pry vyjeździe na MKAD, u rajonie vulicy Ilimskaj, adbyłosia samaadvolnaje adkryćcio kuzava, u vyniku aŭtamabil ździejśniŭ najezd na piešachodny most. Paciarpiełych niama.
Jak rastłumačyŭ kiroŭca, pieramykač adkryćcia i zakryćcia kuzava ŭvieś čas znachodziŭsia ŭ zakrytym stanoviščy, — vierahodna, była niejkaja niaspraŭnaść, — dadali ŭ Dziaržaŭtainśpiekcyi.