Žycharcy Bresta dali dva hady «chatniaj chimii» za adno słova pra Łukašenku
18 listapada ŭ sudzie Maskoŭskaha rajona horada Bresta asudzili Alesiu Stalarčuk. Pra heta paviedamlaje «Bieraściejskaja Viasna».
«Bieraściejskaja Viasna» adsačyła chroniku pieraśledu Alesi Stalarčuk. Jaje zatrymali 19 kastryčnika 2022 hoda. 28 kastryčnika ŭ sudzie Maskoŭskaha rajona Bresta sudździa Taćciana Łaŭraniuk razhladała skarhu na ŭziaćcie Alesi pad vartu. Ale praz toje, što padčas razhladu ŭžo kryminalnaj spravy ŭ dačynieńni da Stalarčuk jana ŭsio jašče znachodziłasia pad vartaj, sudździa Łaŭraniuk admoviłasia źmianić mieru strymańnia.
Razhlad kryminalnaj spravy 18 listapada viała sudździa Maryja Alifiaruk.
Pavodle pazicyi dziaržaŭnaha abvinavačvańnia, Alesia Stalarčuk 4 lipienia 2022 hoda ŭ hrupie «[Suvorov Hrad 5.0] Kobrin» u sacsietcy «VKontaktie» pakinuła kamientar. Tym samym, pavodle abvinavačvańnia, jana ździejśniła publičnuju abrazu Łukašenki.
«Bieraściejskaja Viasna» znajšła hety kamientar. Jon składajecca z adnaho słova: «marazmatik». Napisany pad navinoj ad 2 lipienia 2022-ha z cytataj Łukašenki pra toje, što Biełaruś zmoža «žorstka i imhnienna» adkazać pry dapamozie zbroi ŭ vypadku napadu na zavody ci «aeradromy ŭ Łunincy ci Breście». «Bieraściejskaja Viasna» taksama tłumačyć kantekst: aeradrom u Łunincy, pavodle paviedamleńniaŭ OSINT-analitykaŭ i ŚMI, ź lutaha 2022 hoda aktyŭna ekspłuatavaŭsia rasijskimi vojskami, u tym liku dla napadaŭ na terytoryi Ukrainy.
Na sudzie dziaržabvinavaŭca ŭ abhruntavańnie nadzvyčajnaj «abraźlivaści» kamientara Stalarčuk spasyłałasia nie na vysnovy sudova-linhvistyčnaj ekśpiertyzy (jakaja pa spravie nie pravodziłasia), a na niejki «pratakoł ahladu».
Sama Alesia Stalarčuk na sudovym pracesie zajaviła pra poŭnaje pryznańnie viny.
U vyniku sudździa Maryja Alifiaruk pastanaviła: pryznačyć Alesi Stalarčuk abmiežavańnie voli biez nakiravańnia ŭ PUAT («chatniuju chimiju») terminam na dva hady. Mabilny telefon kanfiskavać u dachod dziaržavy jak srodak ździajśnieńnia złačynstva. I źmianić mieru strymańnia ŭ vyhladzie ŭziaćcia pad vartu na padpisku ab niavyjeździe.
nu prosto ja riefleksiruju postojanno. dumaju - naviernoje so mnoj čto-to nie tak, jeśli ja vižu (dumaju) nie tak, kak eti priekrasnyje ludi...
a potom vdruh uznaju, čto priekrasnyj Supovoj pakietik okazyvajetsia načinał-to so Stakana))
i eto vy nam tolko maleńkuju častičku svojej biohrafii rasskazali. no čto-to podskazyvajet mnie, čto i ostalnaja časť była takoj žie nievierojatno vielikolepnoj)