Oksfardski słoŭnik nazvaŭ słova 2022 hoda. Jano niečakanaje
Oksfardski słoŭnik anhlijskaj movy nazvaŭ «režym hoblina» słovam 2022 hoda, piša RBK.
Fota: pxhere.com
Oksfardski słoŭnik apublikavaŭ vyniki pieršaha hałasavańnia za słova hoda — im staŭ vyraz goblin mode («režym hoblina»). Heta lanivyja, nieachajnyja i ehaistyčnyja pavodziny.
Upieršyniu słova hoda było abrana šlacham hramadskaha hałasavańnia, havorycca na sajcie słoŭnika.
Oksfardski słoŭnik rasšyfroŭvaje słenhavy vyraz «hoblinski režym» jak «typ pavodzin, jakija paturajuć ułasnym žadańniam, lanocie, nieachajnaści i prahnaści», jakoje zvyčajna idzie ŭ kamplekcie «z adchileńniem ad sacyjalnych normaŭ abo čakańniaŭ».
Słoŭnik adznačaje, što vyraz staŭ papularnym u lutym 2022 hoda ŭ sacsietkach i paśla taho, jak u mnohich krainach zrabili pasłableńni abmiežavańniaŭ u suviazi z karanavirusam i ludzi stali čaściej vychodzić na vulicu.
«Vidać, vyraz adlustravaŭ nastroj ludziej, jakija admovili ideju viartańnia da narmalnaha žyćcia abo paŭstali suprać usio bolš niedasiažnych estetyčnych standartaŭ», — udakładniajuć u Oksfardskim słoŭniku anhlijskaj movy.
Druhim słovam hoda stała słova «mietasuśviet», jakoje tłumačycca jak «hipatetyčnaje asiarodździe virtualnaj realnaści, u jakoj karystalniki ŭzajemadziejničajuć z avatarami adno adnaho, što časam pazicyjanujecca jak patencyjnaje pašyreńnie abo zamiena internetu».
Trecim słovam staŭ chešteh #IStandWith, jaki aznačaje «ja padtrymlivaju».
Letaś Oksfardski słoŭnik u jakaści słova hoda abraŭ vax, što aznačaje «vakcyna» abo «vakcynacyja».
Słoŭnik Collins 1 listapada nazvaŭ słovam hoda «piermakryzis» — abjadnańnie słoŭ «piermanientny» i «kryzis», jakoje aznačaje «praciahły pieryjad niestabilnaści i niebiaśpieki».
ja vas užie nie osobo lublu tak, potomu čto vy promieniali mienia na Dievu Mariju